هذه القصيدة كتبها
م أحمد محمود
بعد خروجنا من معتقل
أمن الدولة فى مدينة نصر
وهى تحمل بعض المواقف التى تعرضنا لها
فى أمن الدولة
وهذه القصيدة مشاركة لأخى عبدالمنعم في محبسه وأسأل الله أن يفك أسره وأسر المعتقلين جميعا
يا ليلة ماجانا الضابط
يا ليلة ما جانا الضابط كسر علينا الباب
واحنا بناكل كبدنا خدونا كده من غير أسباب
واللى جاب الكافية يابا لجنة الإعلام .. آه .. آه
-----------
دا احنا ناس غلابه ودونا النيابة
وعشان الديب معانا فاكرنا ديابا
والتهمه لبسانا يابا والأحكام إعدام
---------------
ودونا زنزانه بالصراصير مليانه
والعيشه عجبانه طول م المولى معانا
أرواحنا ودمانا يابا دى فدا الإسلام
---------------
يادوب الإخوة ناموا ودونا جوانتناموا
ربطونا الغماية والضرب هرى قفايه
وشغلوا التكييف يابا لما جالنا زكام
---------------
م الخلف قيدونا بالأرقام ينادونا
بالليل يسحبونا لحد ما أرهقونا
والعسكر يسقونا يابا متقلش أغنام
---------------
بالأسئلة حاصرونا يوماتى يسهرونا
فى الرايحة والجاية عمالين ينقرزونا
أساتذه فى الهيافه يابا وده شغل أفلام
---------------
وعسكرى آل بشريطه بيقول وشك لليحظة
وتصلى وانت واقف والعملية بسيطة
لما تعبنا يابا من قلة الحمام
---------------
أخذونا بالسياسة والإخوه محتاسة
وسألونا عن أماكن بيقولوا حساسة
وحاولنا بكياسة يابا نزوغ فى الكلام
---------------
واللى يسمع رقمه ايده عى الشراعه
والأكل بالأوامر لما جالنا مناعه
وبندعى وبضراعه الله يخرجنا قوام
---------------
13 يوم ما نسينا فضل المولى علينا
متغميه عنينا وننام والقيد فى ايدينا
ومن لطف المولى بينا يابا أنه طوالنا الأيام
---------------
وفى يوم ما خرجونا فى العربية شحنونا
والعسكر رصونا بالبطاطين غطونا
واللى يرفع راسه يابا تتفجر بالألغام
---------------
فكيت الغماية لقيتنى وسط اخوانى
سجدت للمولى وروحى ردت تانى
ودى فى السجل يابا جفت الأقلام
ليست هناك تعليقات:
إرسال تعليق